Uummannami illuutit kommunip pigilerpai
Marlunngorpat Namminersorlutik Oqartussat illuutit Dundas/Uummannamiittut Qaasuitsup Kommunianut tunniutissavai
Nunamut Namminermut, Pinngortitamut Avatangiisinullu Naalakkersuisup Anthon Frederiksenip Namminersorlutik Oqartussat Uummannami (Dundas) illutai atortorissaarutaataalu Qaasuitsup Kommunianut tunniuppai.
Uummannami (Dundas) illuutit Kalaallit Nunaata naalagaaffimmit 20. februar 2003 tiguai.
Naalakkersuisut Qaasuitsup Kommuniatalu nalilerpaat Qaasuitsup Kommunia Uummannami (Dundas) illuutinik atortorissaarutaatinillu siunissami piginnittuusariaqartoq. Taamaasiortoqarneratigut qulakkeerneqassaaq taavani najugaqartut kissaataat aallaavigalugit illuutit atortorissaarutaatillu atorneqarnissaat.
Nunamut Namminermut, Pinngortitamut Avatangiisinullu Naalakkersuisup Anthon Frederiksenip Qaasuitsup Kommuniatalu borgmesteriata Jess Svanep tunniussinermut uppernarsaatit kommunip ataatsimiittarfiani marlunngornermi 7. februar 2012 nal. 15.00 atsiussavaat.
Taama nanoq.gl nalunaarpoq.