Aalisagartassiissutit
Uummannami qaleralinniarneq umiatsiaararsortunut ammarneqaqqippoq
Ingerlatsivimmi Uummannami umiatsiaaqqanik qaleralinniarneq Naalakkersuisut ammaqqippaat
Annonse
Ingerlatsivimmi Uummannami Aalisarnermut, piniarnermut nunalerinermullu Naalakkersuisoqarfiup umiatsiaaqqat angallatillu 6 meterit sinnerlugit angissusillit qaleralinniarnerat oktobarip qulingalli unitsippaa, pisassat nungulermata.
Tallimanngormalli Naalakkersuisut Uummannami umiatsiaararsortut qaleralinniarsinnaanerat ammaqqippaat. Aalisarnermut, piniarnermut nunalerinermullu Naalakkersuisoqarfik naapertorlugu tamanna pivoq ingerlatrsivimmi qaammammut pisassiissutit naleqqussarnissaannik KNAPK-p kissaatigisaa malillugu.
Taamaasilluni oktobarimi qaammammut qaleralinnik pisassat sinneri 368 tonsiupput, novembarimilu pisassat 200 tonsiupput, decembarimilu 100 tonsiullutik.