Aalisarneq
Video: Silarluttumi misileraalluni aalisarneq
Kilisaat ningittagarsuut 'Masilik' anorersuaraluartoq aalisartarpoq. Aalisarnermit videoliat takukkit
Aalisariutaatillit Ice Trawl Greenland A/S Namminersorlutik Oqartussanut aalisarsinnaanissamut aqqaneq marlunnik qinnuteqarput.
– 2017-imi aalisarnissamik pilersaarutivut nunatta imartaani sumi tamani aalisarnis- samik imaqarpput, misileraallutalu aalisarusuppugut aalisakkat sumiiffiillu ilisimaneqanngitsut misissorlutigik, periutsit atortullu nutaat atorlugit aalisarnermik piorsaalluta, aalisariutaatillit siulersuisuini siulittaasoq Ove Rosing Olsen Sermitsiamut oqarpoq.
27 m/s
Aalisariutaatillit ningittagarsuut 'Masilik', Qaanaap eqqaani Tunumi aalisarnikoq pisiaraat.
Umiarsuaq immikkut suanaajummat, silarluttumik ikerinnaasiorluni aalisartoqarsinnaavoq.
Tamanna umiarsuup inuttaatalu sapaatip-akunnerani kingullermi Tunumi 27 m/s-inik anorlertoq saarullinniarlunilu qeeraasarniarami uppernarsisippaa.
Naqqani putulik
»Masilik« kilisaatip naqqatigut putorujussuaqarpoq tassannga inuttat ningittakkat amoortarlugit taamaalillutik »illup iluani« aalisarlutik.
Videoliani allaaserisap talerpiata tungaani linki tooriarlugit, taamatut aalisarneq qanoq pisarnersoq takuneqarsinnaavoq.