se billeder
Aalborg 24-issaa tikeraarneqarpoq
Pisarnertut juullip inua Nunatsinneersoq umiarsuarmut, tamatumuuna Saturn-imut, ilaalluni tikippoq. 24-issaa Aalborgimi Honnørkajen-imut tikippoq. Siullermik 1989-imi Kunuunnguamut ilaalluni tikippoq
Aalborgimi borgmesteriup tunuangajalersup Henning G. Jensenip arfininngormat ullaap tungaa avannaarsuanit tikeraaq nuimasooq, umiarsuarmut Saturn-imut ilaalluni, Aalborgimut tikittoq tikilluaqquvaa. Borgmesterip nuannaarutigaa Aalborgip juullip inuata nunaanut, tassa Kalaallit Nunaannut, taama qanitsigisumik attuumassuteqarnera. Juullip inua Nunatsinneersoq soorunami borgmesterimut tunissuteqarpoq. Taanna tassaavoq tuttup amianik kavassiaq.
Qatanngutigiit pingasut Nuummeersut, Inaluk 7-nik ukiulik Julie 10-nik ukiulik aamma Nukaaka 4-nik ukulik nunaqqamminnik Aalborgimut tikilluaqquseqataapput.
Aappaagu juullip inua 25-issaa Aalborgimut umiarsuarmik tikissaaq. Siullermik tikimmat pisoq nunarsuarmut tamarmut takutinneqarpoq CNN aqqutigalugu.