Ajoquserneqartoq innarliisorlu – kinaassutsiminni ataasiusut
Kim Leinep atuakkiaa Kalak filmiliarineqarpoq, qanittukkullu Nuummi takuteqqaarneqassalluni, kalaallilluisiginnaartitsisartut arlalissuit inuttaallutik – inuussutissarsiutigalugu isiginnaartitsisartut aammaisiginnaartitsisartutut ilinniarsimanngitsut – filmip najoqqutassatut allassimaneranut sunniuteqartorujussuit.
Isabella Eklöf isertuarani oqarpoq:
- Ataataga Inuk quianartuuvoq, alutornartoq aamma misigittaatsoq. Nammineq piumasamisut iliortarpoq. Tassunga misigisimasarpunga soriarsinnaanngitsutut aamma qiimmassimaartutut.
Aviisi AG taama allappoq.
Filmiliornermi ilitsersuisartoq - Danmarkimi Sverigemilu peroriartorsimasoq – Kalammi pingaarnertut inuttaasumut imminut assersuusinnaavoq, inuttaasormi inuusuttuaraalluni ataataminit naalagaaniartorujussuarmit kinguaassiuutimigut atornerlunneqarsimavoq. Taamaattumik Isabella Eklöfip Kim Leinep atuakkiaa imminut pilluni oqaluttuartuusoq, 2007-imi saqqummersinneqartoq aamma Danmarkimi Kalaallit Nunaannilu uissuummissutigineqartoq, filmiliarerusullugu aalajangerpoq.
Atuakkami oqaluttuarineqarpoq angut – tassaasoq Kim Leine – siornatigut inuunerisimasaminit qimaalluni Nuummi Tunumilu nunaqarfimmi peqqissaasutut sulilersoq. Filmiliornermi ilitsersuisartup atuagaq pissarsiariinnarlugulu filmiliarisariaqarlugu paasivaa.
Filmi Nuummi Kulusummilu filmiliarineqarpoq, kalaalerpassuarnik isiginnaartitseqataasunik isiginnaartitsisartunillu, inuussutissarsiutigalugu isiginnaartitsisartunik, isiginnaartitsisartutullu ilinniarsimanngitsunit, inuttaalluaqisunik innuttaqarluni.
- Kalammi pingaarnertut inuttaasumut imminut assersuuttorujussuugama. Kinguaassiuutitigut iliuuseqariasaarnerit aamma naqisimanninneq uannut eqqarsaatigeqqaarnagu iliuuseqarnertut oqalukkamik, Isabella Eklöf oqarpoq.
Aviisimi AG-mi atuarnerusinnaavutit:
