Arctic Winter Games
Ammaanersiornissamut suut tamarmik piareersimasut nalunaarutigaat
Nalunaaqutaq 20.00 aaqqissuussisut Arctic Winter Gamesimut ammaanersiornermut matut ammassavaat, taamaasillunilu timersortartut untritilikkaat issittumit tamarmeersut Kalaallit Nunaanni manna tikillugu pisussat annersaannut piariissapput
Nuummi ullut nittaalartalimmik anorersuarfiusut isikkiviluffiusullu atugaareersut Arctic Winter Gamesimik aaqqissuussisut, kajumissutsiminnik ikiuuttorpassuit suleqatigisarpassuillu pisussaq angisooq pingaarutilillu aallartissavaat, sapaammi unnukkut nalunaaqutaq 20.00 ammaanersiorneq Inussivimmi ingerlanneqarpat.
Pisortatigoortumik ammaaneq
– Naluneqanngitsutut ullualunni silamik akornusersorneqarsimavugut, taamaattumik soorunami nuannaarutigaarput maanna timersortartut taama amerlatigisut illoqarfimmut tikereermata, isumassaqarluartoq unammiuaarnissat pisortatigoortumik ammarneqarnissaat. Aallartitat tamarmik unnugu sinniisoqassapput, isumaqarpungalu kikkut tamarmik aallartinnissaq qilanaarigaat, issittormiut unammiuaarneranni General Manager Maliina Abelsen tusagassiorfinnut nalunaarutikkut erseqqissaavoq.
Unnuaru
Peqataasussat kingulliit unnuup unnuallu ingerlaneranni Nuummut tikissapput.
– Unnugu ammaanersiornissamut programmi kusanarluinnartoq sananeqarsimavoq tamassilu neriorsorsinnaavassi misigisaq nuannissaqisoq. Ammaanersiornermi taamaattoq pisussaq siulliuvoq pivusuulluinnartoq avammullu ammasoq. Taamaattumik Air Greenland, Issittumi Sakkutooqarfik Hjemmeværnetilu, Kangerlussuup ilarujussua kajumissutsiminnillu ikiuuttut untritilikkaat Arctic Winter Gamesip allattoqarfia peqatigalugu ulluni arlalinni ulloq unnuarlu ulapputeqareersimagaluartut, unngu aaqqissuussakkut iluiamik misigineqalissaaq tassa maanna aallartittugut. Tamanna nuanneqaaq.
Inussivimmi ammaanersiornermi aallartitat isaatinneqassapput, kulturikkut pisoqassaaq, oqalugiartoqassaaq il.il.