Assit takukkit: Kajumissaasiissutit suliniuteqartunut pingasunut tunniunneqartut

Kommuneqarfik Sermersuup 2016-imi kommunip kajumissaasiinerani kikkut nersornaaserneqarnersut sisamanngornermi saqqummiunneqarpoq.

Pisarneq malillugu pingasut akissarsitinneqarput:

• Innuttaasut pillugit suliniuteqartarnera annertooq aamma kajumissutsiminik suliniarnera pillugit, Else Lea Olsen kajumissaaserneqarpoq.
• Anguniagaqarluni nikallujuillunilu inuussutissarsiutigalugu aalisartuunissaq piumassuseqarluarluni iluatsittumik ingerlatarimmagu, Vittus Jeremiassen kajumissaaserneqarpoq.
• Justine Boassen qasusuilluni sumiiffiup oqaluttuassartaanik sulissutiginnilluni Kulusummi katersugaasivimmik pilersitsiniarnera pillugu kajumissaaserneqarpoq.

Borgmesteri nuannaartoq
- Nuannaarutigiuaannarpara inuit, arlaatigut sukkulluunniit iliuuseqarnikkut qaammarsaallutik allat nuannaarutissaannik iliuuseqartut, Asii Chemnitz Narup kajumissaasiisoqarnerani oqalugiarnermini ilaatigut taama oqarpoq, Kommuneqarfik Sermersooq ilisimatitsivoq.

Atuaruk: Angajoqqaat peqatigiiffiannut, Peqatigiiffik Nuummi Eqqaamasat aamma nipilersortartumut nersorinninnerit

- Inuit nukissaqarlutik piumassuseqarlutillu suliamik, anguniakkamik suliniummilluunniit sorsuutiginnittut. Inuppassuaqarpormi taama atsigisumik nukissaqarnissamut periarfissaqanngitsunik, taamaattumiguna pingaartuusoq taamatut nukissaqartut nersortariaqarivut, ilanngullugu oqarpoq.

Kajumissaasiineq sioqqullugu aamma kingorna Nick Ørbæk Jacobsen nipilersortuuvoq, kajumissaasiisoqareermallu tamulugassaqarluni.

Siullermik 2011-imi
Kajumissaasiineq siullerpaamik 2011-mi tunniunneqarpoq, ukiullu siulliit tallimat assigalugit siunnersuuterpassuit pitsaasut amerlapput, kommuni ilisimatitsivoq.

Atuaruk: Sermersooq kajumissaammik aqagu tunniussissaaq

Allaaserisap ataani assit takukkit