Arctic Sounds Festival
Assit takukkit: Nanook Sisimiuni timersortarfimmi appisimaartut
Sisimiuni Arcti Sounds-festivalimut atatillugu arfininngormat unnukkut tusarnaartitsinersuaq ingerlanneqarpoq
Tusarnaariat qilanaartut 600-t missaanniittut arfininngormat unnukkut Sisimiut Timersortarfianni katersuupput.
Tassani nipilersortartut nuannarineqarnerpaat ilaat apissimaarput, tassalu Nanook aamma Punjab Savalimmiuniillu Inuit Feet, taakkulu nipilersoqatigiiupput Kalaallit Nunaanneersut Danmarkimeersullu.
Nanook erinarsugaannut nuannarineqarluartunut kikkut tamarmik erinarsoqataapput tusarnaartullu sukkasuumik qiimmapput. Assini tulliuttuni tusarnaartitsisut takuneqarsinnaapput.
Oqaluffimmi nipilersorput
Ullumi, sapaat, festivalimi ulloq kinguliluvoq ulloq naallugu pisoqarfiusussaq, ilaatigullu timersortarfimmi meeqqanut tusarnaartitsisoqarpoq, nipilersortartullu arlallit illoqarfiup oqaluffitoqaani tungujortumi tusarnaartitsipput.