Narsaq
Cater- aamma kantineassistentitut naammassisoq
Angerlartunnguaq Isaksen Aasianneersoq inuussutissalerinermik ilinniarfimmi Inuilimi ilinniakkaminik naammassinnippoq
Narsami inuussutissalerinermik ilinniarfimmi Inuilimi Angerlartunnguaq Isaksen Aasianneersoq tallimanngormat cater- aamma kantineassistentitut allagartartaartinneqrapoq.
Tamanna pivoq ilinniarfiup kantiinaani, siullermik Inuilip forstanderiata Poul Christensen pilluaqqullugulu soraarummeernermi allagartartaartimmagu, kingornalu faglærer Marie Toftdahlip svenditut allagartartaartillugulu atuakkamik tunissuteqarfigimmagu.
Atuarfimmiinneq
Ilinniagaqarfik, ukiut pingajuata affaanik sivisussusilik sisamariarluni Inuilimi atuartinneqartarluni piffissallu sinnerani praktikkertarluni, piginnaatitsivoq igaffinni kantiinanilu pisortatut sulisinnaanermut kiisalu neriniartarfinni ikiortitut sulisinnaanermut.
Atuarfimmiinnermi ilaatigut atuartitsissutigineqartarput tuniniaaneq kiffartuussinerlu, igaffimmi suliassat, nerisassanik ilinniagaqarneq, nioqqutissanik ilisimasaqarneq tunisassiornermilu eqqiluisaarneq.
Thule Air Base
Angerlartunnguaq Isaksen, Pituffimmi Thule Air Basemi Greenland Contractorsimi praktikkertarsimasoq, oqarpoq suli suliffissarsiorsimanani.