eqqumiitsuliorneq
Digitalimik qalipagai torrallatat
Gukki Nuna mobiliminik qalipakkanik angisuunik sanasarpoq. Ippassaq Københavnimi saqqummersitsinini ammarpaa
´Farver i min sjæl´, taamatut taaguuteqarpoq Gukki Nukap saqqummersitsinera kingulleq, taannalu sisamanngormat nalunaaqutaq 17 Københavnimi Kalaallit Illuutaanni ammarneqarpoq.
Gukki Nuka ilisimaneqarnerugunarpoq marranik sanaaminik kusanartunik, saqqummersitsinerminilu matumani atortoq nutaaq misiligarpaa, digitalikkut qalipaaneq.
Qalipaatit atornagit
Qalipakkani mobiltelefonimigut assinik aaqqissuussinermik programmikkut sanasarpai, anngajaarsuanngorlugit ilaat 300x96 centimeterisut angissusillit.
– 14-inilli ukioqarlunga assilialiortarsimavunga, isumaqarsimagama tarnikkut amigaatiminikka qalipaammik immersorsinnaallugit. Ullumikkut qalipaateqanngitsumi inuusinnaanngilanga. Qalipakkakka peqqissaartumik immannguakkaartumik qalipaatilersortarpakka, Gukki Nuka saqqummersitsinerminut katalogimi allappoq, eqqumiitsuliallu qalipaatigissaarluinnartut Kalaallit Illuutaannut takuniarneqarsinnaapput.
Gukki digitalimik qalipakkanik siullermeersumik saqqummersitsivoq. Assit marlussuit quppernermi uani takoreerlugit alapernaatsakkuit Gukkip nittartagaani paasissutissanik annertunerusunik pisinnaavutit.
Gukki Nuka pillugu annertunerusumik paasisaqarit uani Bygukki.dk