Nordisk Rådip nersornaataa
Eqqumiitsuliortoq nersornaammut innersuunneqartoq
Atuagaq 'Aima schHh!' Bolatta Silis-Høeghimit allanneqartoq, Nordisk Rådip meeqqanut aamma inuusuttunut atuakkianut nersornaasiuttagaanut innersuunneqarpoq
Qalipaasartoq atuakkiortorlu Bolatta Silis-Høegh, Nordisk Rådip meeqqanut inuusuttunullu atuakkianut nersornaasiuttagaanut, meeqqanut atuakkiaminik 'Aima schHh!' innersuunneqarpoq.
Nordisk Rådi nittartakkamini taamak allappoq.
Taamaallilluni Nordisk Rådip atuakkanut nersornaasiuttagaannut kalaallit marluk innersuunneqarput, tassami Sørine Steenholdt atuakkioqqaatiminik, Zombiet Nunaat, atuakkianut nersornaammut innersuunneqarnikuummat.
Atuaruk: Nordisk Rådip atuakkanut nersornaataanut zombie atuagaq innersuunneqartoq
Ajugaasoq ukioq manna toqqarneqassaaq
'Aima schHh!' meeqqat atuagaata 'Aima'-p tulleraa. Taakku atuakkat marluk takorluuisinnaanernik imaqartorujussuupput, Aimap aamma Mannap silarsuaannik malinnaasuupput, meeqqanullu tulluartunngorlugu allataalluni.
Ajugaasoq saqqummiunneqassaaq, 350.000 koruuninillu akissarsitinneqassalluni.
Tamanna novembarip aallaqqaataani DR Koncerthusetimi Københavnimi Nordisk Rådip ataatsimiinneranut atatillugu pissaaq.
Atuaruk: Bolatta Silis-Høeghip saqqummersitaani nutaami silarlunneq kisimi sammineqanngilaq