video isiginnaaruk
For Akia atortuminik takutitsisoq
Nipilersoqatigiit For Akia nipilersuutinik nuannarisalinnut saqqummiussinerminni atortut atortakkatik sooq atortarnerlugit oqaluttuarput
For Akia taaguutigalugu ukiuni arlaqanngitsuinnarni nipilersoqatigiittarsimagaluarlutik rockimik nipilersoqatigiit Kujataamiunik qallunaanillu inuttallit tusaamasaallualersimapput.
Nunatsinni kingullermik tusarnaartitsipput Akisuanerit Festivalimi, Nanook, Dizzy Mizz Lizzy aamma Small Time Giants unnuk taanna tusarnaartitsimmata.
Assigiinngissut immikkuualuttuniittoq
Nipilersoqatigiillu nuannaartorisarilersimagukkit imaluunniit nipilersuutinik ilisimasaqarluartuuguit taamalu Starcasterip, Telecasterip aamma Stratocasterip assigiinngissutaat ilisimaaralugu, taava matumani isiginnaaqataassaatit.
Nipilersuutaarniarfiup 4 Soundip nipilersoqatigiinneersut Hans Mortensen aamma Jesper Van videomut immiussamik apersorpai, nipilersortartullu taakkua marluk ukiut ingerlaneranni qanoq ittunik nipilersuuteqartarsimanerminnik oqaluttuarput.
Videomi matuma ataaniittumi guitarertup erinarsortullu Hans Mortensenip Qaqortumeersup qatitoortullu, Jesper Vanip, atortunik sunik nuannarisaqarluarnertik takutippaat