film
Ilitersuisoq ingerlalluartoq: Tupinnaannartumik nukatsitaavugut
- Tupinnaannartumik immikkut pisinnnaatitaaffeqarpugut nunatsinnilu nuannersunik oqaluttuaaterpassuaqarpugut. Filmiliornermili avatangiisit sakkortoqaat, filmiliornermi ilitsersuisoq Aka Hansen oqarpoq, taannalu Ekko Shortlist Awardimik nersornaaserneqaqqammerpoq
Filmiliornermi ilitsersuisoq Aka Hansen ingerlalliuarpoq. Kalaallit Nunaanneersut nipilersoqatigiit Small Time Giants pillugit piviusulersaarummik filmiliaa atuagassiap Ekkop piviusulersaarummut pitsaanerpaamut nersornaasiuttagaanik nersornaaserneqarpoq.
Filmiliornermik ilitsersuisartoq pillugu atuagassiaq AG ilisarititsivoq. Kalaallit Nunaanni oqaluttuarpassuaqarnera nuannaarutigalugu oqarpoq.
- Pisuussutigaavut oqaluttuat nuannersut. Kalaallit qangarsuarniilli oqaluttuat oqalualaallu nuannarisuuvaat. Aliortukkanik oqaluttuarnerit nuannareqaavut. Kulturerput oqaluttuanik ulikkaavippoq. Takorloorsinnaalluarpara Sassuma Arnaanik Kaassassummillu oqaluttuatoqqat Disneyp filmiliaatut filmiliarineqarsinnaassasut. Oqaluttuat nuannersut samminiassavagut. Nunami sumiiffiit pinnagit. Kalaallit Nunaanni sumiiffinnik alianaatsorpassuaqarpoq, attaveqarnikkulli pissutsit pissutigalugit angalaniarneq ajornakusoortuuvoq, AG-mut oqarpoq.
Aviisimi AG-mi allaaserisaq tamakkiisoq atuarneqarsinnaavoq. Aviisi, sapaatip akunnerani matumani saqqummersoq, uani pisiarineqarsinnaavoq: