Inuit arnartaat metro-mi nerlermik erisartoq

Christina David Montrealimi metro-mi nerlermik erisartoq filmiliarineqarpoq. Paasisinnaanngilaa sooq tusaamasanngornerluni, tassa inuit pisarnerattut angerlaatigaluni igaassani piareersaramiuk.
Oqartoqarsimavoq nerleq iganeqanngitsoq nerigaa. Tamannali Christina Davidip ilumuunnginnerarpaa, oqaluttuarporlu nerleq atsaminit pissarsiarisimallugu, Quebecip avannaani nunaqarfeeqqaminit nassarsimasani. Nerlerup iganissaa pissangagingaaramiuk metro-mik angerlarluni igaassani piareersarpaa. Avatangiisini eqqarsaatigisimanngilai, oqarporlu sumilluunniit ajuallatsitsiniarsimanani. Kulturitsinni tamanna nalinginnaalluinnarpoq, taanna CBC News-imut nassuiaavoq.
Christian Davidimut nerleq qangali nerisartagaavoq, nerinissaanullu qilanaarsimavoq, Montrealimi CBC News paasissutissiivoq.
Nunatsiaq News-ip oqaluttuaq tallimanngormat oqaluttuaraa. Filmiliortup filmiliani You Tube-mut ilisimavaa arnarlu ujarsimallugu. Nunatsiaq News-ip siulliulluni oqaluttuarisinnaasimavaa arnaq kinaanersoq.