Nuuk
Isiginnaagassiaq alutornartoq takoqqinneqarsinnaavoq
Isiginnaagassiaq ´Toqqortat´ Nuuk Kultur Festivalimi takoqqinneqarsinnaassaaq
Aatsaat taama aliikkunartigisumik takutitsisoqarpoq siorna isiginnaagassaq ´Toqqortat´ Nuummi takutinneqarmat.
Taanna takutinneqarmat sorpassuit isumagisassaapput isiginnaagassiaq eqqumiitsuliornermik takutitsinerummat uaaeernermik, tivanermik, qitinnermik balletternermillu, breakdancemik hiphop-imillu, innermik takutitsinermik, silaannakkullu eqaarsaarnermik, isiginnaartorpassuarnik nuannersumik uulikullatsitsisumik.
Kulturfestivali siulleq
Isiginnaagassiamillu takunninngitsunut nutaarsiassaqarpoq nuannersumik, tassa isiginnaagassiaq ukioq manna takuteqqinneqassammat.
Tamanna pissaaq qaammami matumani kingusinnerusukkut Nuuk Nordisk Kulturfestivali siulleq ingerlanneqarpat.
Tamatumunnga atatillugu Nunatta Isiginnaartitsisarfia aamma qitinnermik takutitassiaq ´I Wish Her Well´, Pan Rei teaterimit takutinniarpaa Svalimmiormiullu taalliaannik saqqummersitsilluni.