isiginnaartitsineq
Isiginnaartitsisartunngorusulluni takorluugaq piviusunngorsinnaavoq
Nunatta Isiginnaartitsinermik Ilinniarfia ilinniartunik nutaanik aallartitsiniarpoq
Annonse
Isiginnaartitsisartunngorusukkuit maanna takorluukkappit piviusunngortinnissaanut periarfissaqarputit.
Tassami Nunatta Isiginnaartitsinermik Ilinniarfia ilinniartunik aallartittussanik aappaagu aggustimi aallartittussanik qinnuteqartussarsiorpoq. Ukioq allortarlugu ilinniarfik nutaanik ilinniartoqalertarpoq, taamaammat periarfissaq akorneqartariaqarpoq.
Qinnuteqaatip ingilluni allaannannginnissaa piareersimaffigineqartariaqarpoq. Videomik minutsinik qulinik sivisussuseqartumik, pingasunik imaqartumik nassiussinissaq piumasaqaataavoq:
- Isiginnaagassiat arlaat ataaseq qinikkat Nunatta Isiginnaartitsinermik Ilinniarfiata qinigaa immiussavat. Qinigassat sisamaapput. Taakku immiussinnginnermi atuaqqissaarneqassapput.
- Erinarsuut nammineq qinikkat atussavat.
- Naatsumik imminut oqaluttuarineq.
Nunatta Isiginnaartitsisarfiata Facebookimi quppernerani paasissutissat amerlanerusut pissarsiarineqarsinnaapput.