Julie: Kusanartut akornanniit pilattornerlukut akornannut
Piffissami qanittumi cirkuseqartitsisoqalerpat, erinarsortartoq Julie Berthelsen Cirkus Arenalu Danmarkimi sumiiffinni assigiinngitsuni misigineqarsinnaapput
Julie Berthelsen siorna Cirkus Arena peqatiglugu Kalaallit Nunaanniimmata iluatsitsilluartoqarmat, Cirkus Arenami siulersuisut Julie Berthelsenilu aalajangersimapput ukioq manna suleqatigeeqqinniarlutik.
Ukioq manna takutitsinermi Cirkus Arenap ukiunik 65-inngortorsiornera malunnartinniarneqassaaq. Takutitassiaq taaguuserneqarsimavoq Cirkus ifølge Bubber 2, tassanilu Bubber Julie Berthelsenilu aqutsisuussallutik.
Bubber, tv-kkut aallakaatitsisartutut ilisimaneqartoq Julie Berthelsenilu isiginnaartitsisartorpassuarnik ilisarititsisassapput. Cirkusimi aliikkusersuisunut akunniliisartto sprechtstallmeisterimik taaneqartarpoq. Julie Berthelsen soorunami aamma erinarsortussaavoq.
Takutitassat pitsaalluinnartut
Cirkus Arena nammineerluni isumaqarpoq nalliuttorsiornermi takutitassat pitsaalluinnartuusut: Motocrossertartut, allunaasakkut takutitsisartut, trapezertartut, pissittarlutik takutitsisartut, arnat qitittarttut qimmillu Julie Berthelsenip cirkusimi suleqatigissavai.
Siullermeerluni takutitsinissaq
Første gang, at Cirkus Arena Julie Berthelsenilu siullermeersumik isiginnaarneqarsinnaapput martsip 25-ani Københavnimi Bellahøjimi.