KODA-p nersornaasiuttagaanik nersornaasiineq
Ukiumut nersornaat, piginnaanilimmut nersornaat ataqqinaammillu nersornaat maanna taalliortut erinarsuusiortartullu akornanni inuttassarsineqarput.
Ukioq manna nersornaat Kiiu Olsenimut tunniunneqarpoq, cd-mik saqqumersitaa “Liima Inui-Pluto” oktobarimi saqqummersoq tunngavigalugu. "Ukiumi nersornaat" erinarsortartumut imaluunniit nipilersortartunut ukiumi qaangiuttumi immikkut malunnaateqarluarsimasunut nersornaasiunneqartarpoq.
Varna ukioq manna piginnaanilittut nersornaammik nersornaaserneqarpoq, Blues/jazz-erpalaartumik kalaallit nunaanni nalinginnaanngitsumik erinarsortarnini pillugu. "Ukiumut Nersornaat" ukiumi qaangiuttumi piginaaneqarluartumut nutaamut, assersuutigalugu erinarsuusiortartumut imaluunniit nipilersortartunut tunniunneqartarpoq, narsornaallu taanna inummut ataasiaannartumik tunniunneqartarpoq.
Joorsi Sørensen Nersornaammik tunineqarpoq, ukiorpassuarni namminissarsiornani nipilersortartunut allanut sullissisarsimanini pillugit. Nipilersortartorpassuit erinarsortartorpassuillu saqqummernissaannut ikiortarrsimavai, ilaatigut Varna piginnaaneqarluartutut nersornaaserneqartoq. Joorsi 80-ikkut naajartorneranni nipilersortartut "Inua" pilerseqataaffigaa, tassani erinarsortuusimalluni bassertuusimallunilu. G-60-ikkunni nipilersortartunilu allarpassuarni n, sulilu nipilersorneq ingerlataralugu.
"Nersornaat" erinniortumut imaluunniit nipilersortartoqatigiinnut kalaallit nipilersoriaasianni ukiualunni immikkut ittumik malunnaateqarluarsimasumut tunniunneqartarpoq. Nersornaat ataasiaannarluni pineqarsinnaavoq, kisianni "Nersornaat"-mik nersornaaserneqarsinnaavoq, naak Immikkut piginnaanilimmut nersornaat imaluunniit Ukioq manna immikkut nersortarialermut nersornaammik nersornarsereerneqarsimagaluarluni.
Nersornaasigassanik toqqaanermut ataatsimiitsitaliami ilaasortaapput Juaaka Lyberth - siulittaasoq, KODA-mit toqqagaq, Kaali olsen - Teammusik-imeersoq, Kurt Egede - KNR-ip nipilersornermut aaqqissuisoqarfianiit, Hanne Qvist - Nuummi Nipilersornermut Ilinniarfik, Ufl Fleischer - Kalaallit Nunaanni kulturimut siunnersuisoqatigiit, Paninnguaq Abelsen - Inuusuttorsiut "Sofa Aappalaartoq"-miit, Noah Mølgaard - Sermitsiami nipilersornermik aaqqissuisoqarfimmiit.
KODA-p Kalaallit Nunaanni Nersornaataa kulturikkut illuorsuarmi Katuami Nuummiittumi sisamanngorneq novembarip 15-iat nal. 21.00 ingerlanneqarpoq, KODA-p Danmarkimi sinniisuutitaannit peqataaffigineqarluni. KODA Kalaallit Nunaanni Nersornaammut aningaasaliisuuinnarani nipilersortartut kattuffittaavannut NIPAA-mut nersornaasiinermut aaqqissuusseqataasumut aningaasatigut tapiissuteqartuusimavoq.