tunissuteqarneq
MIBB-mut 136.000 koruunit
Niuertarfik Stark pisisartuilu meeqqat atugaasa pitsaanerulernissaannut taperseeqataaqqipput
Ukiuni tallimani suleqatigiinneq nalliussillugu sanaartornermut atortunik niuertoq Stark, Meeqqat Inuunerissut/Bedre Børneliv (MIBB-imut) ippassaq ataasinngornermi aningaasanik katillugu 136.000 koruuninik tunissuteqarpoq.
Aningaasat katillugit 136.000 koruuniupput, 115.000 koruunit Starkip suliffeqarfinnut allamut saaffiginninneratigut taakku suliffeqarfiiit taamaasillutik tapiinerisigut pissarsiarineqarsimapput. 21.000 koruunit Starkimi puussianik matuersaatinillu tuniniaanermeerput.
Atuaruk: Meeqqat Inuunerissut aningaasanik tapertittut
Meeqqat ukkatarineqartut
Peqatagiifffik MIBB 2007-imi novembarimi pilersinneqarpoq. Meeqqat pisinnaatitaaffiisa inuiaqatigiinnit inersimasunillu akisussaaffigineqarnerisa eqqumaffigineqarnerulernissaat anguniarlugu MIBB pilersinneqarnikuuvoq. Ukiuni 2012-imiit 2015-ip tungaanut suliniut annertoqisoq ‘Imaani nigalittut’ ilaatigut Stark aningaasaliisoralugu peqatigiiffiup ingerlappaa.
Maanna MIBB-p suliniutissami tullia inerisarpaa. Sumiluunniit najugaqaraluaraanni meeqqat inuusuttullu atugarissaarnerulernissaannut inersimasut sakkussanik tuniorarnissaat suli sulissutigineqassaaq.
Tapersiineq pingaaruteqartoq
- Uagut kisitta sulisuuvugut ikiorterpassuaqaratalu. NGO-tut arlaannaannulluunniit attuumassuteqanngitsumik meeqqat atugarisaat eqqumaffigeqqullugit sulissuteqarniarneq, namminersortut suliffeqarfiutaannit taperneqartarnikkut MIBB-p pingaartitamisut suliniutai pilersinneqarsinnaasarput.
Atuaruk: Frimærkinit tunisanit sinneqartoorutit Tele-Postip Meeqqat Inuunerissunut tunissutigai