Nakorsaq taalliortoq: Inuuneq toqulu Sanami allaaserigaa
Atuakkami nalinginnaanngitsumi – kalaallisut qallunaatullu saqqummeqqammertumi – atuaasut nakorsaq peqqinnissaqarfillu ilaatigut ilungersunarluinnartunik suliaqartartut qanimut paasisaqarfigaat.
Nakorsaq suliffini pillugu taalliortoq. Maannalu atuakkamik kalaallisut qallunaatullu saqqummersitsisoq. Tusarneqarnikuua?
Tusarneqarnikuunngilaq. Aviisi AG allappoq.
Kisianni Marie Louise Malmstrøm nutaaliorpoq. Naqiterititsisarfiup Frydenlundip atuakkiaa »Is i maven – 156 dage som kirurg i Nuuk«-mik qulequtaqartoq sapaatiummat saqqummersippaa, maannalu qisuariaatissat pissangalluni utaqqivai.
Siullertut nalinginnaasumik peqqinnissaqarfiup ajorsiartorneranik oqaluttuarineqartarnera assortorpaa. Soorunami unammilligassaqarpoq. Minnerunngitsumik sulilluarnissaq siunertaralugu aaqqissuussinernut tunngasuni. Assersuutigalugu nakorsiartoq nunaqarfimmi ungasissumi pinartumik napparsimalerpat, sila ajorpat, Nuummullu angallassinissaq ajornarsigaanga, Marie Louise Malmstrøm nassuiaavoq.
Kisianni nalinginnaasumik aamma ajunngitsumik ingerlasorpassuaqarpoq. Tupinnaannartumik suliassat naggataatigut naammassisarput.
- Dronning Ingridip Napparsimmavissuani sulineq nuannersumik misigisaqarfigaara. Suliassat qanoq pitsaatigisumik ingerlanneqartarnerat pikkugivara, piffissap ilaani uteqqinnissara itigartitsissutiginngilluinnarpara, taanna oqarpoq.
Allaaserisaq tamaat uani AG-mi pisiarisinnaasanni atuaruk: