filmip takuteqqaarneqarnera
Naliliineq allaanerusoq
– Danmarkip Kalaallillu Nunaata akornanni pissutsit allaanerusumik isiginialerpakka, 28-nik ukiulik Bibi Nathansen filmi ´Sume - mumisitsinerup nipaa´ nalilerlugu allappoq
Annonse
– Filmi takugakku misigisimanarpoq allaanngilaq kalaaliussutsikka nukittoriartut.
– Kinguaariit isumatsassimanerat kinaassutsiminnillu ujaasinerat paasisinnaavara. Kinaassutigaat kalaaleq narrugisaq, nikanartoq qunutoorlu. Paasivaralu sooq ilaat imigassamut, ajornerusumulluunniit, saassimanersut. Tamanna paasilerpara filmimi piviusulersaarummi takugakkit kalaaliaqqat qallunaatut tamaviat erinarsorniarsarisut, Bibi Nathansen filmimik piviusulersaarummik ´Sume - mumisitsinerup nipaa´-nik naliliigami ilaatigut taamatut allappoq. Filmimi ´Sume - mumisitsinerup nipaa´ qallunaatut taaguutilik ´Sume - lyden af en revolution´ ilitsersuisuuvoq Inuk Silis Høegh produceriullunilu Emile Hertling Peronard.