Danmark
Nunarput nersornaasiinermi pissarsinngitsoorpoq
Nunat Avannarliit Siunnersuisoqatigiivisa nersornaasiinernut Kalaallit Nunaat nersornaatinut pingasunut innersuunneqaraluarpoq
Nunat Avannarliit Siunnersuisoqatigiivisa marlunngornermi Københavnimi nersornaasiineranni, Nunarput ataqqinaammik nersornaatisinngilaq.
Atuaruk: Atuakkiortunut nersornaasiineranni Aavaat erinarsortut
Sverige ajugaasoq
Sørine Steenholdtip atuakkiaa 'Zombiet Nunaat' atuakkanut nersornaammut innersuunneqarpoq. Kisianni tassani nersornaat svenskimut atuakkiortumut Katarina Frostensonimut, taalliai 'Sange og formler' pillugu tunniunneqarpoq.
Atuaruk: Nordisk Rådip atuakkanut nersornaataanut zombie atuagaq innersuunneqartoq
Island ajugaasoq
Bolatta Silis-Høeghip meeqqanut atuakkiaa 'Aima qaa schHh!' meeqqanut inuusuttunullu atuakkianut nersornaammut innersuunneqarpoq. Taannali atuakkiortumut Islandermiumut Arnar Már Arngrímssonimut tunniunneqarpoq, taassuma 'Sølvi, sagaen om et ungt menneske' atuakkiaraa.
Atuaruk: Eqqumiitsuliortoq nersornaammut innersuunneqartoq
Danmark ajugaasoq
Uyarakq & Peand-eL erinaatiminnut 'Kunngiitsuuffik (republic)' nipilersornermut nersornaammut innersuunneqarput, kisianni aamma tassani nersornaat allamut tunniunneqarpoq, tassa qallunaaq Hans Abramsen erinnamut 'Let Me Tell You'.