ineriartorneq
Nunasiaateqartarneq pillugu ataatsimiisitsineq
Nunasiaateqartarnerup kingunerisai pillugit Ilisimatusarfimmi ataatsimiisitsisoqassaaq
Ilisimatuussutsikkut ataatsimiinneq Nuummi ingerlanneqartussanngorpoq.
Taanna Indigenous Resources: Decolonization and Developmentimik taaguuteqarpoq. Ilisimatusarfik aamma Island Dynamics suleqatigiinneratigut ataatsimiittoqassaaq.
Inoqqaariit pillugit ataatsimiinneq
Nunat nunasiaataasimasut qanoq ingerlariaqqinnissaat pillugu ataatsimiittoqassaaq. Ingerlariaqqinnermi aamma aningaasaqarnikkut, kulturikkut politikkikkullu ingerlariaqqiffissat eqqartorneqassapput.
Ilisimatuut nunanit allaneersut peqataassapput. Taakku ukunaneersuupput: Taiwan, Malaysia, Indonesien, Mauritius, Chagos-øerne, Japan, Australien, Papua Ny Guinea, Fiji, Solomonsøerne, Canada, USA, Anguilla aamma Sverige.
Kalaallit Nunaannit ilisimatuut aamma peqataassapput.
Takornariartitsineq
Peqataasorpassuit Nuummi takornariartinneqassapput, kiisalu Kalaallit Nunaata politikkikkut, aningaasaqarnikkut kulturikkullu ineriartorneq aamma pillugu saqqummiiffigineqassalllutik.
Sumiiffiit assigiinngitsut takornariarneqassapput soorlu GU, Kommuneqarfik Sermersooq, Inatsisartut suliffeqarfiillu assigiinngitsut.
Naggasiutigalugu piviusulersaarusiaq 'Sume - mumisitsinerup nipaa' takutinneqassaaq.