Nuummi apummik ilusilersuinissaq februarimi pissaaq
Nuup Saavani Nuuk Snow Fest 29. februar aallarnerfigalugu ingerlanneqartussanngorpoq. Aaqqissuisut nalunaarput peqataarusuttut maanna nalunaarsinnaanngortut.
Nuup Saavani apummik ilusilersuinissamut peqataarusuttut Nuuk Snow Festip aaqqissuisuinut nalunaarsinnaalerput.
Apummik ilusilersuinissaq ulluni 29. februarimiit martsip pingajuanut ingerlanneqassaaq, pinngortitaq qulequtarineqassalluni.
- Februaarip naalernerani uteqqikkutta festivalimi kiinnanik nutaanik ilisarnartunillu takunissarput neriuutigaarput. Kikkulluunniit unamminissamut nalunaarnissaminnut tikilluaqqusaapput sammisamut attuumassutilinnik piviusorsiortunik piviusorsiunngitsunillu apummik ilusilersuisoqassaaq, Nuuk Snow Festimi suliniummut aqutsisoq, Alberte Parnuuna tusagassiorfinnut nalunaaruteqarluni oqarpoq.
Apuserineq kissanneranit unitsinneqanngitsoq
- Ukioq kingulleq kiarujussuarnerata unitsinngilaatigut naak ajornakusoortitsigaluartoq, nerioqaagulli ukiormanna festivalimi aputeqarluassasoq silaannarlu allanngorassanngitsoq, suliniummut aqutsisoq oqarpoq.
Aaqqissuisut ilisimatitsipput kajumissutsimik suleqataasut aamma pisariaqartinneqartut. Innuttaasut ikiuukkusuttut aaqqissuisunut nalunaaqquneqarput, taakku suliassanik agguaassammata.
Alberte Parnuuna ilisimatitsivoq illoqarfimmi suliffeqarfiit suliniaqatigiillu ikiuunnissamut aamma tikilluaqqusaasut.
Paasisaqarnerorusukkuit nittartagaq www.snow.gl iserfigalugu atuarnerusinnaavutit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...