Akisuanerit Festival
Ole Kristiansenip Ulf Fleischer taarserpaa
Ulf Fleischer napparsimaneq pissutigalugu pisinnaajunnaarpoq
Ulf Fleischerip napparsimalersimanini ippassaq Akisuanerit Festivalimut nalunaarutigaa. Erinarsorsinnaanngikkallarneranik tamanna kinguneqarpoq, taamaattumillu Akisuanerit Festivalimi tallimanngornermi unnukkut appinnissani taamaatiinnartariaqarsimavaa.
- Nalunaarut festivalimut artornartupilussuuvoq, Ulf Fleischer aamma Paarisa Band appinnissaanut qilanaaraluarpugut, Christian Elsneri festivali sinnerlugu taama allappoq.
Atuaruk: Akisuaneq Festivalimit assit nuannivissut
Angalaneq pisariusoq
Festivalilli nuannarineqarluartoq nuannarineqartumik allamik taarsernissaa iluatsissimavaa. Tassami Ole Kristiansen piffissaq sivikitsoq atorlugu pisinnaalluni akuersisimavoq. Neriorsuineq nipilersortartumut pisariusortaqartitsivoq.
Timmisartumut bilitsit nungussimanerat pissutigalugu Ole Kristiansen umiarsuarmik aamma timmisartumik angalasariaqarpoq, tamannalu aamma marloriarluni unnueqqaarnissaanik kinguneqassaaq.
- Tamanna nersualaarneqartariaqarpoq, Christian Elsner oqarpoq.
Akisuanerit Festival 2014 Nuummit assilisat suli allat
Ole Kristiansenip nipilersornissaata saniatigut, tallimanngornermi Maalia & Jonas, Mariina aamma Qarsoq unnummi tassani tusarnaartitsissapput.
Akisuanerit Festivali Nuummi Katuami tallimanngornermi sapaammut ingerlanneqassaaq.