Qarsoq Nuummik kialaartitsipput
Shopping By Night aaqqissuunneqarmat nipilersortunik aamma ornitassaqarpoq nipilersortunik tusarnaariat erinarsoqatigiinnermik pilersitsipput
"Nuup Qeqqa" tallimanngornermi unnukkut Shopping By Night-imik aaqqissuussimmat sila qiianakujukkaluaq nuannisaqatigiinneq malunnarpoq ilaatigut naneruutit ikiterlugit silami nipilersortut katersuuffigineqarlutik. Halloweenisiortut pinnersaasimapput græskarit naneruusikkat Brugsenip saavani inunnik alutorsartitsipput. Kalaallit Nunatsinni nipilersortartut ukiuni 30-ni nuannarineqarluartut Qarsoq, qangaanniilli atortakkaminnik appisimaarput. Tusarnaariat erinnanik ilisarisaminnik soorlu Qimappagit, A-A-A-Asavagit allanillu erinarsoqataapput.
Nipilersortut tusarnaariarpassuillu sila nillikujuttoq oqorsarluarsimaqisut qiimarrateqaat. Kissassaatissatut umimmammik suppaliaq imeruersaatillu akikitsunnguamik tuniniarneqarput. Tusarnaartitsineq nal. 20.15 naammassivoq pisinniarfiilli nalunaaqqutaq 21.00 tikillugu ammapput.