Roskilde Festival-imi kikkut tusarnaarusuppigit
Roskilde Festival-ertitsisut nipilersoqatigiinnik tusarusutanik siunnersuuteqaqqusivoq. Aappaagu appisimaartussat aalajangeeqataaffigisinnaavatit
2012-imi Roskilde Festival-eqarnerani nipilersortussat aalajangersorneqaleruttorput, festival-imillu aaqqissuisut kikkut tamaasa roskilde-festival.dk aqqutigalugu aappaagu tusarnaarusutaminnik siunnersuuteqarnissaat periarfissippaat. Kikkulluunniit internetsimut atassutillit, aappaagu nipilersortussanik - namminneq isumaat naapertorlugu - pinngitsoorneqarsinnaanngitsunik, Roskilde Festival-ip nipilersortussanik inniminniisarfianut toqqaannartumik siunnersuisinnaatippaat.
2011-mi oktobarip 12-anniit qaammat naallugu, aappaagu Roskilde Festival-imi tusarnaarusutanik siunnersuisoqarsinnaavoq.
Roskilde Festival-imi nipilersornernut atatillugu pisortaq, Rikke Øxner, tusarnaarusutanik ileqquusumik siunnersuuteqartitsisarneq imatut oqaluttuaraa:
- Tusarnaariartartut aappaagukkut tusarnaarusutaminnik kissaateqartarnerisa, ilisimasanik isumassarsianillu pingaaruteqarluinnartunik tuniorartarpaatigut. Ataatsimut isigalugu suut nuannaartorineqarnerulernerat kissaatigineqartutigut takusinnaasarparput. Nipilersoqatigiit tusarusunneqartutut taaneqaqattaartut nipilersortinniarlutigit qanorujussuaq iliuuseqarsinnaasarpugut. Soorlu 2011-mi Iron Maiden aamma Arctic Monkeys amerlasuunit tusarnaarusunneqarmata nipilersortinnissaat sulissutigisimagipput.
Rikke Øxner-ip naqissuserpaa, tusarnaarusunneqartut tamaasa - aamma amerlasuunit taaneqaqattaaraluarpata - aappagu nipilersortinniarnissaat neriorsuutigisinnaannginnerarpaa.
Nive Nielsen-ip nipilersortuisalu ukioq manna festival-ernermi nipilersorput, illillu allanik kalaallinik festival-ernermi tusarnaarusutaqaruit, taaguutaat uani allassinnaavat her