Arctic Winter Games
Sakkutuut timmisartuat Hercules aamma Nuummukaassivoq
Sakkutuut timmisartuata peqataasut atortui Kangerlussuarmit Nuummukaappai
Arctic Winter Gamesimi pilersuinermut atatillugu Issittumi Sakkutooqarfik pingaarutilimmik inissisimavoq.
Sisoraatit apusiutillu
Taamaasilluni sakkutuut timmisartoq assartuut C-130 Hercules ilaatigut sisoraatinik, apusiutinik maakkarnaveeqqutinik snowboardsinillu Kangerlussuarmit Nuummukaassivoq - unammiuaarnerillu naappata aamma utimut assartussallugit.
Timmisartup Kunngissaq Frederik Kangerlussualiaappaa, taannalu Kangerlussuarmi ulluni marlunni saperngoqqavoq Nuummi silarlunnera pissutigalugu.
Sila timmisartorfinngorpoq
Maannali sila pitsaanerulerpoq, Air Greenlandillu timmisartuusseqattaarnerminik aallartitsinera ilutigalugu timmisartoq Hercules nalunaaqutaq 13.00 atortut nassarlugit aallarpoq Nuummullu tikissalluni nalunaaqutaq 14.00-p missaani, taamatut paasissutissiivoq Issittumi Sakkutooqarfik.