juulli aamma illulioriaaseq
Ukioq manna frimærkit kingulliit takukkit
Tele-Post ullumikkut illulioriaatsimut aamma nukissiuutinut ataavartunut tunngasunik frimærkinik arlalinnik saqqummersitsivoq. Juullip meqqia aammattaaq ullumikkut saqqummerpoq
Tasiilami Tele-Postip frimærkileriviani ullumikkut ulapaartoqarpoq. Tassami frimærkit arfineq-pingasut, frimærkinut hæfte ataaseq, miniarkit pingasut, mappit tammajuitsussiat marluk, ukiup mappia kiisalu saqqummeeqqaarnermi allakkat puussai saqqummersinneqarput.
Frimærkinut pisortaq Allan Pertti Frandsen oqaluttuarpoq.
- Frimærkini qulequttat assigiinngeqaat. Qangarnitsanik ullumikkornisanillu takutitsipput aammalu ullumikkut Kalaallit Nunaanni kulturi takutitsivigalugu, taanna nassuiaavoq.
Frimærkit illuliornermut aamma ataavartumik nukissiornemut tunngasut
TELE-POST-ip ukioq naggaserpaa Naja Rosing-Asvidip nutaatut nangeqattaartussanik meqqinik sisamanik, taakkunanilu kalaallit kulturianni kinaassusaannilu illulioriaaseq nersorniarneqarpoq.
Miki Jacobsenip frimærkiliai marluk ’Ataavartumik nukissiuuteqarnermik’ qulequtaqartut aammattaaq ullumikkut saqqummiunneqarput, kiisalu Christian Fleischer Rexip juullimut frimærkiliai marluk.
Atuaruk: Allannerlugaq Post Greenlandip ajuusaarutigeqaa
Uuma ataani frimærkit kusanartut takukkit