Ukiuni 20-ni uuttuut qiuutillu
Isaksen maanna ukiuni 20-ni kalaallit ilusilersugaannik atisanillu nutaanik nunarsuarmut pilersuisimavoq ingammilli Kalaallit Nunaannut.
Kalaallit Nunaanni ilusilersuisartut siuttut ilaat atisanillu tunisassiortartoq Nickie Isaksen juunip 2-ani suliffeqarfik Isaksen Designimik aallarnisaasutut namminersortutullu ukiunik 20-nngortorsiorpoq.
Aviisi Sermitsiaq taama allappoq.
– Ukiuni 20-ni nuannaarneq pakatsinerillu, iluatsitsinerit ajutoornerillu tamatigullu upalittuaannarluni, Nickie Isaksen Sermitsiamut oqaluttuarpoq.
Ukiut ingerlanerini silatunerulersimavunga, pikkorinnerullunga tulleriiaarillaqqinnerulerlungalu. Taamaalillunga ullumikkut siusinnerusumut naleqqiullugu ilaquttanut piffissaqarnerujussuuvunga. Tamannalu uannut pingaaqaaq, naak aamma nassuerutigigaluarlugu ernera angajulleq Malik 19-inik ukiulik ilusilersuisartutut unammillertinni ajornerpaanngulersoq. Unitsissinnaanngilara, Nickie Isaksen illarluni oqarpoq.
Naqqup ataani niuertarfeqarluni aallartippoq
Aallarnisaasut allarpassuit assigalugit Nickie Isakseni naqqup ataani aallartippoq. Pisiniat piumasaat malillugit aamma ilusilersuisarpugut. Eqqaamavara titartaaviga nerriviup qaaniittuartoq, isumassarsiat siunnersuutillu titartartarlugit, taamaalillunga suut tamaasa piorsarlugit, corsaget, katiisit, kavaajat ammit, habittit qitequtit pooqattallu. Allaat aamma puisip amianik aqerluusaasiviliorpunga.
Aviisimi Sermitsiami atuarnerusinnaavutit: