Uummannami aasakkut festivali
Rappertartut Jayndawgs ilaatigut tusarnaartitsissapput Uummannaq Sommerfestival julip 25-niit 28-iata tungaanut ingerlanneqalerpat
Annonse
Uummannaq Sommerfestival aallartingajaliivippoq.
Festivali ingerlanerani assigiinngitsorpassuarnik pisoqarfiussaaq. Nipilersortut, qilaatersortoq aliikkusersuisullu.
Inuusuttut marluk rappertartut tusarnaartitsissapput. Taakku imminnut taasimapput Jayndawgs. Aamma arnaq inuusuttoq Paarnannguaq Gotfredsen qilaatersussaaq.
Nipilersortussat allat ukuupput: Namelæss, Lost insolt, Nazdroveas aamma Rudolf Hammond.
Kalaallisoorinneqqusaattoqassaaq, kiisalu sanalukkanik kusanartulianik tuniniaajutigalutik saqqummersitsisoqassalluni.
Qaannamik unammiuaarneqassaaq Nunafond Cup-imik taallugu, aammalu arpattoqassalluni aamma Nunafond cup-mik taallugu angusarinnerit ujaminnassallutik.