assammik arsaanneq
Akutaaneq Kreutzmann peqatigiiffimmut allamut nuuppoq
Akutaaneq Kreutzmann nunanut allanut unammisartoq ukiumi tulliuttumi Nordsjælland Håndbold-imut unammeqataasalissaaq
Nunanut allanut unammisartoq Akutaaneq Kreutzmann Ribe Esbjerg HH-mi unammisartooreerluni, Nordsjælland Håndbold-imut nuuppoq.
Nordsjælland Håndbold ukiumik ataatsimik isumaqatigiissuteqarfigisimallugu, taanna Sermitsiaq.AG-mut paassissutissiivoq.
Nordsjælland Håndbold sæsoni naammasseqqammertumi angutit assammik arsaattartut unammisaqattaarfigisartagaannut pitsaanermut qaqeqqammerput.
Akutaaneq Kreutzmann unammisaqattaarnerit aallartippata peqataavallaarunnanngitsoq aasarmanna Ribe Esbjerg HH-p sungiusaasuanit paasitinneqarpoq. Taamaanna Akutaaneq Kreutzmann peqatigiiffimmut allamut nuunnissaminik sulissuteqarsimavoq.
- Unammisaqattaarusuppunga, ingammik aasamut Pan Amerikanske Mesterskabinut peqataasussaatilluta. Nordsjælland Håndboldimi unammisaqattaartassaanga, tamannalu uannut pingaarnerpaavoq, Akutaaneq Kreutzmann Sermitsiaq.AG-mut oqarpoq.