Albrecht Damgaard ukiup sungiusaallammaa
Sulorartartoq tusaamasaq ukiorpassuarni nunatsinni pissartaasartoq ukiup sungiusaallammaatut toqqagaavoq
Albrecht Damgaard, Nuummi B-67'imi sulorarnermik immikkoortortami sulorartartuusoq sungiusaasorlu ullumi Kalaallit Nunaanni Timersortartut Kattuffiannit ukiup sungiusaallammaatut toqqagaavoq. Nersornaasiineq Faxe Kondimit taperserneqarpoq.
GIF'ip siulittaasua Nuka Kleemann, Albrecht Damgaardimik toqqaanermik tunngavilersuutigaa pineqartup piffissarujussuaq B 67-imi inuusuttut sulorarnermik sungiusarnerinik ingerlatsinera.
- Albrecht Damgaardip piukkunaatillit annertuumik siuarsaaffigeqataasimavai, taamaasillunilu timersoqatigiiffik arlalippassuariarluni pissartanngortitsisarsimalluni, Nuka Kleemann oqarpoq ilanngullugu Albrecht timersortartutut sungiusaasutullu maligassiuisuusoq, ilisimasani misilittakkanilu kinguaariit tulliinut ingerlateqqittuartarai.
- Ataqinarluartumik malunnaatiilimmillu toqarneqarnera pissusissamisoorpoq, Nuka Kleemann oqarpoq.
Nersornaaserneqartoq Faxe Kondimit 10.000 koruuninik aningaasannatsinneqarpoq.