Island Games
Angutit arsaattartut semifinalimut ingerlaqqipput
Kalaallit isikkammik arsaattartut Gotlandimut ajugaanermi kingorna, Island Gamesimi semifinalernissaminnut piareerput.
Angutit isikkammik arsaattartut nunanut allanut unammisartut Island Gamesimi semifinalernissaminnut piareerput.
Unammisartut puljemi unamminermi kingullermi Gotlandimut ajugaasariaqarnikuupput, Kalaallit Nunaat ajugaalluni unammineq 1-0-mik inerneqarpoq.
Kalaallini Norsaq Mathæussen isertitsisuuvoq, unamminerup aallartilaarnerani taanna isertitsivoq. Kalaallit nunanut allanut unammisartut piffissap ilaani unammisaminnit assoroortitaasaqattaarput, unamminerullu immikkoortuata aappaani Nukannguaq Zeeb aappassaanik mianersoqqussummik nittaavigineqarami anisitaavoq.
Kisianni unammisut assoroortitaanerminnut akiuupput, puljemilu ajugaasuupput.
Taamaalillutik semifinalernissaminnut piareerput, Menorcamullu sisamanngorpat unammisussanngorput.