Assammik arsarneq: VM-imut anngunniuteqataasussat toqqarneqarput
Assammik arsarnermi angutit nunanut allanut unammisartuisa sungiusaasuata Johan Zanottip nunarsuarmi pissartanngorniunnissamut anngunniunnissamut unammeqataasussat unammisartut 16-it toqqaqqammerpai.
Angutit nunanut allanut unammisartut nunarsuarmi pissartanngorniunnissamut anngunniuteqqittussanngorput.
Unammisartut 16-it Kalaallit Nunaat sinnerlugu unammisussat toqqarneqarput.
Anngunniunneq juunip 16-ani aallartissaaq, taamaattoq unamminissat kiisalu nunat sorliit peqataassanersut suli nalunaarutigineqanngillat.
- Nunanut allanut unammisartut anngunniunnermi peqataasussat maanna toqqarneqarput. Toqqaaniarneq ajornanngitsuinnaanngilaq, nunanullu allanut unammisartunut peqataasussat toqqarniarneri ajornaatsuusussaanngilaq, nunanut allanut unammisartunut sungiusaasoq Johan Zanotti oqarpoq.
Coronavirus pissutaalluni nunarsuarmi pissartanngorniunnissamut anngunniunnissaagaluaq ukiut marluk matuma siorna taamaatiinnarneqarpoq. Nunat tamalaat kattuffissuata IHF-ip USA peqataasussatut tassani toqqarpaa, NACHC sinnerlugu peqataasussatut toqqarlugu.
IHF-ip USA-mik toqqaanerminut tunngavilersuutigaa USA assammik arsarnerup tungaatigut ineriartornermut pingaaruteqartumik inissisimanera pissutaalluni toqqarneqartoq.
Taamatut aalajangerneq Kalaallit Nunaat sinnerlugu nunanut allanut unammisartut ajuusaarutigaat, tassami USA-mut arlaleriarlutik ajugaanikuugamik.
Mexicomi VM-imut anngunniunnermi unammisartut toqqarneqartut aaku:
Måliniittut:
- Isak Olsen
- Josef Chemnitz
- Inuk Højgaard
Silataaniittut:
- Akutaaneq Kreutzmann
- Aqqaluk Sørensen
- Minik Dahl Høegh
- Marxwell Frederiksen
- Miki A. Heilmann
- Nuka B. Heilmann
Højrefløjimiittut:
- Malik K. Andersen
- Archibald Lennert
Venstrefløjimiittut:
- Aqqalu Sandgreen
- Pele Lynge
Titarnerup killinganiittut:
- Noah John Davidsen
- Milan Olsen
- Inuk Olsen
Nunarsuarmi pissartanngorniunneq Sverigemi Polenimilu januarimi aappaagu ingerlanneqassaaq.