VM-imut anngunniunneq
Assammik arsartartut arnartaat ajorsaqqittut - gruppimi sisamaattut inissipput
Kalaallit assammik arsartartuisa arnartaat Puerto Ricomut unamminerminni aallartilluaraluarput, muminnermimi isertitanik marlunnik siuaqqapput - inissinniunnissanut unamminissat tullinnguupput
Panamerikami assammik arsarnermi pissartanngorniunnermi kalaallit arnartaat Puerto Ricomut unammipput ataasinngormat.
Kalaallit unammineq aallartilluarpaat, muminnermi 13-11-mik siuaqqapput.
Kisianni ajoraluartumik kalaallit Puerto Ricomut 26-27-mik ajorsarput.
Unammersuaarnermi kalaallit inissinniunnissani tallimaattut arfineq pingajuattullu inississinnaapput.
Pissartanngorniunnermi ullumi marlunngornermi unammisoqassanngilaq. Gruppimi aappaaneersunut aqagu unammisoqassaaq. Kalaallit Nunaat tassani Mexicomut unammissapput. Unamminerat Kalaallit Nunaata nalunaaqutaa naapertorlugu nalunaaqutaq 19.00 aallartissaaq.
Unamminermi ajugaasut pissartanngorniunnermi tallimaattut inissinniunnissamut anngutissapput, ajorsartut arfineq aappaattut inissinniunnissamut anngutissallutik.
Inissinniunnerit sisamanngorpat ingerlanneqassapput.