GM-imut anngunniunneq
Assit: Anngunniunnerit pissanganarsiartortut
Futsalimi pissartanngorniunnissamut anngunniunnerit Nuummi ingerlanneqarmata 40-nik isertitsisoqarpoq arfininngormat
Unamminermi siullermi NÛK Kâgssagssuk-llu naapipput. Unammineq taanna NÛK-mut pingaaruteqarpoq, tassami ippassaammat IT-79-imut ajorsarnikuugamik, aallartilluarpullumi unammineq aallartilaaginnartoq isertitsigamik. NÛK Kâgssagssuk-llu unamminerat siumut utimullu ingerlaarpoq, unammisut tamarmik inissisimalluarmata. Taammaattoq NÛK muminngitiarlutik isertitsivoq muminnermil 2-0-imik siuaqqallutik.
Munimmata Kâgssagssuk arsaaffimmut iserpoq isertitserusunnerallu takuneqarsinnaalluni. Isertitseriarnerili, målip tungaanukartut, tamarluinnaasa NÛK-p måliniittuataNikolaj Mikaelsenip, annappai. Unamminerlu 3-0-mik inerneqarpoq.
Kaassannguaq Zeebikkut ajugaarujussuartut
IT-79-ip GSS naapimmagu, IT-79-ip sooq illoqarfimmi pissartaanertik takutippaat. Tassami aliikkutaaqisumik qulinik isertitsigamik. Arsartut aqutsisuata, Kaassannguaq Zeebip, aamma Anthon Overballep IT-79-ip arsarnera ajornanngipasitsilerlugu ingerlappaat, sukataarpasinnatillu. GSS kinguarsimagaluaqisoq tunniutiinnanngilaq, unamminerlu 10-2-mik inerneqarpoq.
Ullormi unamminerit pingajuanni Sineriak B-67 naapippaa. Tassani Sineriak illersuilluarpoq muninnermilu suli isertitsisoqarani, naak holdit tamarmik periarfissaqaraluartut.
Mumereernermi minutsit qulit siulliit B-67 måleriaqattaaraluartoq isertitsisoqanngilaq. Minutsinili qulini kingullerni B-67 pingasoraarpoq ajugaallunilu. Pointi pingasut pissarsiaat pingaaruteqaqisut kingusinnerusukkut paasinarsivoq.
Aaqqissuisut ajorsaqqittut
NÛK-p GSS, anngunniunnermi aaqqissuisuusoq, naapimmagu GSS-ip pointit pisariaqarteqigai qularnanngilaq. Unamminerlu aallartimmi GSS kiisami arsarlualersutut isikkoqaraluarpoq, aallartilaaginnarlutik isertitsigamik. NÛK-li tupatsinneqanngilaq muminnginnermilu siuarlini.
Muminnermi unammineq pissanganarsingaanngilaq, NÛK-llu pointit pingasut pissarsiarai 5-3-mik ajugaagami.
IT-79, arsarluaqisoq, aappaassaa unamminermini Sineriak naapippaa. Taanna aamma pissanganarsingaanngilaq, naak Sineriak ajugaanissamikp pisariaqartitsigaluartoq. Sukkut tamaana isertitsisoqallattaavoq, unamminerullu 5-2 inerneraa IT-79 ajugaalluni.
Pissartat tikeraanut ajorsartut
Nukappissat Maniitsumeersoq, Kâgssagssuk, anumminermi kingullermi B-67 naapippaat. Kâgssagssuk siusissukkut siuarpoq, tamannalu B-67-ip tupaallaatigilaarpasippaat. Taamaattorli muminnermmi 1-1-eqqallutik.
Mumimmata Johannes Miki Rosing arsaqatinilu Kâgssagssuk-meersut ajugaarusullutik arsaaffimmut iserput. Siusissukkullu isertitseqqillutik. Tamannalu B-67-ikkut tupaallaatigerpasippaat. Unammineq taanna pissanganarluinnarpoq, holdillu tamarmik isertitsinissamut periarfissanik ulikkaarlutik. Maniitsormiulli eqeersimaarnerupput unimminermi siuaqqaannavillutik.
Unamminerup naammassinissaanut sekundit 20-iinnanngortut Mads Petersen, Kâgssagssuk, aappaluttuligaavoq B-67-ilu isertitseriartussanngorluni. Maasi Maqélli periarfissaq atorluanngilaa uniorami. Unammineq 4-3-mik inerneqarpoq Kâgssagssuk ajugaalluni.
Unammisut ima inissisimagallarput:
- IT-79, Målit: 19-6, 9 point
- B-67, Målit: 15-4, 6 point
- NÛK, Målit: 10-7, 6 point
- Kâgs, Målit: 10-9, 6 point
- Sineriak, Målit: 5-14, 0 point
- GSS, Målit: 5-24, 0 point
Erseqqissaatigissavarput anngunniunnermi pointitigut naligiittoqassagaluarpat isertitat apeqqutaanngimmata, tassami unammisut iluminni naapinnerni qanoq ingerlasimaneri apeqqutaammat. Aqagu pissanganassaaq, tassami siuttut sisamat tamarmik Sisimiuni pissartanngorniunnissamut inissat pingasut pissarsiarinissaannut suli periarfissaqaramik.
Assit ataani takukkit