Arsaannermi GM
Assit: GM-imi unamminerit kingulliit pissanganassapput
Angutit isikkamik arsaallutik GM-erneranni Pulje 2 pissanganartorsiortitsivoq - marlunngornermi angusat takukkit
Timersoqatigiiffiit Pulje 2-miittut tamaasa ingerlaqqinnissaminnut tamarmik periarfissaqarput.
Angutit arsaallutik GM-imi unammiffiusut aappaat marlunngornermi ingerlanneqarpoq. FC Malamuk Uummannameersoq kiisalu G-44 Qeqertarsuarmeersoq naapipput nalunaaqutaq 13.00. FC Malamuk unamminermi ajugaasinnaassaguni ingerlaqqinnissani qulakkiipajaarsinnaavaa, G-44-lu ingerlaqqinnissamut suli periarfissaqassaguni ajorsarnaveersaartariaqarluni. Unammineq naligiiffiuvoq, 2-2-mik inerneqarluni.
Taamaattumik NÛK periarfissatsialammik tunineqarpoq Nagtoralimmut Paamiuneersumut unamminermi. Kisiannili aamma taakku naligiiginnarput, tamarmik ataaseraaramik.
FC Malamuk Pulje 2-mi siuttuugallarpoq sisamanik pointeqarluni, NÛK aamma G-44 tamarmik marlunnik pointeqarput Nagtoralik ataatsimik pointeqartoq. Taamaattumik unamminerit kingulliit pissanganassapput, tamarmimmi ingerlariaqqinnissaminnut suli periarfissaqarput.
B-67 pisassaanngilaq
Pulje 1-mi Eqaluk 54 Tasiusameersoq GM-imi ingerlariaqqinnissamut periarfissaaruppoq, marlunngornermi unamminermi ajorsarujussuaqqippoq. B-67-mut ataasinngornermi 0-6-mik ajorsarpoq, Nagdlunguak Ilulissaneersumut pingasunngornermi pitsaanerulaamik ingerlavoq, 0-5-mik ajorsaramik.
Ukioq kingulleq pissartaasut suli isertitsiffigineqanngillat GM-ertoqarnerani. B-67 Nuummioqatiminnut IT-79-mut marlunngornermi unamminermi pingasoraarlutik ajugaapput.
Marlunngornermi angusat:
- NÛK 1 : 1 G-44
- Eqaluk 54 0 : 6 B-67
- Nagtoralik 1 : 4 FC Malamuk
- Nagdlunguak 2 : 3 IT-79
Timersoqatigiiffiit tamarmik marloriarlutik unammereerneranni ima inerneqarallarput:
Pulje 1 Unamm. Isert. Isertiffi. Points
1 B-67 2 9 0 6
2 Nagdlunguak 2 7 3 3
3 IT-79 2 3 5 3
4 Eqaluk 54 2 0 11 0
Pulje 2 Unamm. Isert. Isertiffi. Points
1 FC Malamuk 2 6 3 4
2 G-44 2 3 3 2
3 NÛK 2 2 2 2
4 Nagtoralik 2 2 5 1
Pingasunngornermi unamminissat:
- 13.00 Eqaluk-54 - IT-79
- 15.00 B-67 - Nagdlunguak
- 17.00 Nagtoralik - G-44
- 19.00 FC Malamuk - NÛK
Unamminerit amerlanerpaartaat KNR-TV-mit toqqaannartumik aallakaatinneqartassapput.
Sermitsiaq.AG angusanik sisamanngornermi saqqummiussissaaq
Assit ataani takukkit