Arctic Winter Games
Assit takukkit: Alberta in the house
Alberta Northimit timmisartoq siulleq Kangerlussuarmut tikippoq. Taamaasilluni maanna timersortartoqatigiit nunanit tallimaneersut Kangerlussuarmi utaqqipput
Ullup ingerlanerani timmisartut kingulliit marluk, North West Territoriesimeersoq Albertameersorlu, tikissapput.
Alberta Northemit peqataasut holdit allat assigalugit mittarfimmit illoqarfimmi qasuersaarfissaannut oqqunneqanngillat.
Mittarfimmi utaqqiinnartariaqarput. Hotel Umimmammi, atuarfimmi aamma Bygning 664-imi qasuersaarfiit inissaqalernerat ilutigalugu taakkununnga inissinneqarsinnaapput.
Ullaap tungaani Nuummut timmisartuusseqattaarneq aallartinneqarpoq, tamannalu ingerlassaaq ullup sinnerani, nalunaaqutarlu 03.35-p tungaanut Kangerlussuarmi utaqqisut timmisartumik Nuummukaassorneqassapput.
Siulliunneqassapput futsalimik unammisartut, tamakkua unnugu unammileriissammata. Timmisartumut utaqqinerminni futsalertartut utaqqisarfimmi sungiusallatsiarsimapput.
Assit ataani takukkit