Danmarkimi slutpil
Assit takukkit: GOG ajorsaqqaqqippoq
Minik Dahl Høeghip Akutaaneq Kreutzmannillu sæsonimi nammineq unammisarfimmi unamminermi kingullermi GOG ajugaatissinnaanngilaat
Arfininngormat ualikkut GOG-p Bjerringbro-Silkeborg-illu GOG Arena-mi unamminerat naammassimmat GOG 23-24-mik ajorsaqqarpoq. GOG semifinalimut anngunnissaminut periarfissaqalaassagaluaruni ajugaasariaqarsimagaluarpoq.
Ajorsarnermi kingorna GOG Danmarkimi pissartanngorniunnermi unamminerni aalajangiisuusuni peqataasinnaajunnaarpoq.
Ajoqorsaqqalaarneq uggoraa
GOG-p sungiusaasuata Jakob Larsenip unamminerup kingorna ajorsaqqaqqilaarneq uggornartoqartippaa:
– Sorpassuit iluamik ingerlappavut. Piffiit ilaanni assersuilluartartorujussuuvugut, målimilu Frank Mikkelsrn annaasseqattaarluartorujussuuvoq. Minutsit arfineq-pingasut sinneruttut målinik marlunnik 22-20mik siuaqqavugut, sulilu siuaqqinnissatsinnut arlalinnik periarfissaqarsimalluta. Unammisarnerni siuliini arlalinnisut annilaangalerpugut. Periarfissast maangaannartittarpavut arsallu pingaarutillit annaasarlutigit.
– Unamminerni tamaattuni tamakku akissaqartinneqanngillat. Kukkunerit ingerlaannavik pillarneqeartarput, Jakob Larsen Sermitsiaq.AG-mut ilaatigut oqarpoq. Akutaaneq Kreutzmann marlunnik Minik Dahl Høeghilu ataatsimik isertitsipput.
Tapersorneqarluartut
Tamatigutut GOG Arena-mi isiginnaartut unammisartutik sekundi siullermiilli tapersersorluarpaat.
Unamminerup immikkoortua siulleq naligiiffiuvoq 13-14-imik inerneqarluni. Unamminerup immikkoortuata aappaani ingerlaqatigiinnerat nangippoq, taaneqareersutullu GOG 22-20-mik siuarami ajugaanissaminut periarfissarissaaraluarpoq. Isiginnaartut pisarnertut nikuillutik ersaartaapput. GOGli ersaattaallutik ajutaatissinnaanngilaat, ajorsaqqalaarporlu. Bjerringbro-Silkeborg arsallammannik arlalinnik unammisartulik, ilaatigut Mads Christensenimik, Michael V. Knudsenimik, Nikolaj Øris Nielsenimik minnerunngitsumillu sloveniamiumik Sebastian Skube-mik, naggataatigut iluatsitsineruvoq. Sæsonimi nammineq unammisarfimmi unamminerit kingullersaraat. Illersortit aalajaatsut GOG Arenami unammisoqaqqinnissaanut septembarimut utaqqisariaqarput.
Slutspillimi GOG suli marloriarluni unammissaaq. Unamminerit sapaatip akunnerani tullermi allat unammisarfianni ingerlanneqassapput. Sisamanngorpat Aalborg Håndbold, sapaatiuppallu Herningmimi HC Midtjylland unammineqassapput.
Semifinalimut piareerput
Pulje GOG-p peqataaffigisaa aalajangerneqareerpoq, tassa Aalborg Håndbold aamma Bjerringbro-Silkeborg semifinalimut anngummata. Puljep aappaani semifinalimi inissanik marlunnik unammipput KIF Kolding København, Skjern Håndbold aamma Team Tvis Holstebro.
Assit ataani takukkit