Ittoqqortoormiit
Assit takukkit: Ivigaaraasanik arsaattarfik nutaaq piariingajalerpoq
Ittoqqortoormiit nutaamik arsaattarfittaarpoq. Inuit arfineq-marlukkaartut unammiffigisinnaassavaat
Tunumi illoqarfimmi, Ittoqqortoormiini, ivigaaraasanik arsaattarfiliorneq ingerlanneqaleruttorpoq.
Arsaattarfik sanimut 45 meterinik aamma 60 meterinik angissuseqassaaq, tassalu inuit arfineq-marlukkaartut unammiffigisinnaasaattut angitigaluni. Arsaattarfissaq maannakkut arsaattarfiusup inaanut inissinneqassaaq, Kommuneqarfik Sermersooq allappoq.
Ammaanersiorneqangajalersoq
- Arsaattarfioreersoq ujaralerujussuuvoq. Sioqqanik qalliusikkamik taassallugu qanillattuineruvoq, tassami arsaattarfimmi sumi tamaaniipput ujaqqat angisuut arsaatsillunilu arsaq tamakkununnga tukkaangami tammerujussuartarpoq. Illoqarfimmi arsaattarfissamik atuisartussat arsaattarfissaminnut maninnerujussuarmut qilanaarsinnaapput, tamannalumi amerlaqisut qilanaarisorujussuuaat, Anthon Søgaard, teknikkikkut suleqataasoq aamma Ittoqqortoormiini Kommuneqarfik Sermersuumi illuliornermi konstruktøritut ilinniartuusoq oqarpoq.
Arsaattarfik ataasinngorpat atoqqaarfissiortinneqassaaq.
Atuaruk: Ivigaasaaqqanik arsaattarfik nutaaq atoqqaarfissiorneqartoq
Allaaserisap ataani assit takukkit