futsal
Assit takukkit: Nuummi meeqqat B-67-imeersut pisassaanngitsut
Futsal cupimi unammiuaartoqarnerani meeqqat tungujortunik kiatillit pissartanngorniutivinnerit sisamat arfiniliusunit ajugaaffigaat
Nuummi Inussivik meeqqat Grønlandsbanken Futsal Cupertitsinerani sapaatip-akunnerata naanerani arsaaffigineqarpoq, tassani Nuummi timersoqatigiiffiit peqataapput.
B-67 aaqqissuisuusoq pisassaanngilaq, tassami pissartanngorniutivinnerit sisamat arfiniliusunit ajugaaffigaat.
Atuaruk: Sapaatip akunnerata naanerani Nuummi futsalimik unammisoqassaaq
Pissartanngorniunnerit
Arfininngornermi unamminerit siulliit ingerlanneqareermata, sapaammi pissartanngorniuttoqarpoq.
Pissartanngorniutivinneq siulleq B-67 U6 hold 1 aamma hold 2 akornanni ingerlanneqarpoq. Hold 1 2-0-imik ajugaavoq.
U8-ni pissartanngorniutivinnermi B-67 aamma GSS unammipput - tassanilu tungujortunik kiatillit 6-0-imik ajugaapput. Niviarsiaqqat U10 NÛK-meersut ajugaasut pingajuattut inissipput, taakku nukappiaqqanut B-67-imi U8-nut ajugaapput.
Atuaruk: Nuummi futsal nuannarineqarluartoq
Unammineq pissanganartoq
Pissartanngorniutivinnermi B-67 U12 aamma GSS U18-it unamminerat pissanganarnerpaasimavoq. Unammisut unammineq naammassinerani 2-2 naligiikkamik, strafferluni isertitseriarnerni GSS U18-it 4-3-mik ajugaapput.
U12-ini B-turneringimik aamma ingerlatsisoqarpoq, GSS tasssani ajugaavoq.
U15-ini B-67-iinnaat unammipput. Tassani hold 1-t jold 2-nut 8-2-mik ajugaavoq.
Ullormi unammineq kingulleq B-67 aamma IT-79 U18 akornanni ingerlanneqarpoq, B-67 tassani 5-1-imik ajugaavoq.
Allaaserisap talerpiata tungaani inernerit takusinnaavatit
Allaaserisap ataani assit takukkit