Assit takukkit: Seqinnarik aamma illernit ujakkaarfiusut pitsaasut
Ataasinngornermi 08.00 naqqiisoqarpoq, Marika Magnussen arnat unammineranni sapaammi Nanna Møller ajugaaffigaa, siuliani uani allaaserisami ajugaasutut allanneqarsimagaluarpoq, (aaqq.)
Ataasinngornermi 08.00 naqqiisoqarpoq, Marika Magnussen arnat unammineranni sapaammi Nanna Møller ajugaaffigaa, siuliani uani allaaserisami ajugaasutut allanneqarsimagaluarpoq, (aaqq.)
Ujakkaartartut 164-it timersoqatigiiffinnit arfinilinneersut maanna Nuummi katersuupput, tassani pingasunngornerup tungaanut ujakkaarluni nunatsinni pissartanngorniutissapput.
Nunatsinni pissartanngorniunneq arfininngornermi unammissutaasumik siullermik aallartinneqarpoq: klassisk intervalstart.
Tassani angutit akornanni Martin Mølleri ajugaavoq, 10 kilometeri 27 minutsit sekundillu 18-it atorlugit apuukkami. Marie M. Lundblad arnat akornanni ajugaavoq, minutsini 36 sekundillu 17-it ingerlareersut apuukkami.
Peqataasut ullumikkut fristilerlutik sprinterput.
Tassanilu Martin Møller ajugaaqqippoq, 1,2 kilometerinut minutsit marluk sekundillu 14-it atorlugit apuukkami. Marik Magnussen arnat akornanni ajugaavoq, tassani Nana Møller ajugaaffigalugu.
Seqinnarimmi arpannerit naligiiffiusut
Martin Møller aamma pissartanngorniunnerni ataqatigiissaarisut ilagisaa, illernit ujakkaarfiusut pitsaalluinnartut oqaluttuarpoq.
- Silamik iluatsitseqaagut. Isseqalaarluni seqinnerpoq, taamaammat nuannerluinnarpoq.
Martin Mølleri inuunermini kilometererpassuarnik ujakkaartarsimasoq, nammineq angusaminut tunngatillugu, ataatsimut isigalugu qasujaalluni aamma sungiusarluarsimalluni oqaluttuarpoq.
- Ajugaaffigineqassaguma sukkasoorujussuarmik arpattoqartariaqarpoq, taanna oqarpoq, illarlunilu.
- Naammagisimaarpara, kisianni ullumikkut pissanganarluinnarpoq. Sekundinik amerlasuunik siuarsimanngilanga. Ukiut tamaasa pissanganarsiartorpoq, pingaartumik naatsumut arpannerni.
Piffissat atorneqartut tamarmiusut NSP-p Facebookiani takusinnaavatit.
Unammisoqarneranut pilersaarutit sinneri imaapput:
Marlunngorneq 14. marts: Marlukkaarluni klassiskimik intervalstartimi arpanneq
Pingasunngorneq 15. marts: Isorartuumut fristilimi arpanneq