Arctic Winter Games
AWG ingerlanneqarnerani Rotary Nuuk ataatsimoorfioqqissaaq
Arctic Winter Games 2016-ip ingerlanneqarnerata nalaani kajumissutsiminnik suleqataasut kaffisorfigalugulu neriffigisinnaasaannik Arctic Winter Games 2002-misulli Rotary Nuuk katersuuffimmik isumaginnissaaq
Rotaryp ilaasortaanit tapersersuineq aamma kajumissuseq aallaavigalugu suliaqartoqarneratigut Arctic Winter Games unammiuaarnerit ingerlanneqarnerisa nalaanni kajumissutsiminnik suleqataasut katersuuffeqartinneqassapput.
2002-mi unammiuaarnerit ingerlanneqarnerisa nalaanni Rotary taamaattumik isumaginnittuuvoq, unammiuaarnerillu maanna pisussat marloriaatingajammik annertuseriaateqaraluartut Rotaryp kingullermik iluatsilluartumik ingerlatsinini ingerlateqqissallugu tunuarsimaarfiginngilaa.
Atuaruk: Suli aallartitsinnatik kinguaqqareersut
Pisussamut qilanaartut
- AWG2016-imi kajumissutsiminnik suleqataasunut katersuuffioqqinnissani Nuuk Rotary klub-ip qilanaarisorujussuuaa. Nalunngilarput kajumissutsiminnik suleqataasut annertuumik suliaqartussaasut, sulisullu kaallutik sulinnginnissaat qulakkeerniarlugu pitsaanerpaamik sullississaagut. AWG2016-imut akuunissatsinnut qilanaartorujussuuvugut, Nuuk Rotarymit taama oqarput.
Assit takukkit: AWG-p qullissani tiguaa
AWG 2002-mi unammiuaarnerni takutinneqarpoq kajumissutsiminnik suleqataasut sulinerisa nersorneqartarnerat nuannaartitsillunilu kajumissutsiminnik suleqataasut assigiinngitsut akornanni peqatigiinnermik pilersitseqataasartoq.
- Uagutsinnut pingaaruteqartorujussuuvoq suliassaq angisooq tamanna Rotary-p suliariumammagu. Kajumissutsiminnik suleqataasut unammiuaarnerni pinngitsoorneqarsinnaanngilluinnarput, aammalu Rotary-p tapersersuineratigut kajumissutsiminnik suleqataasunut nuannersumik katersuuffeqartitsisoqarsinnaavoq, taakku sulinissartik sioqqullugu imaluunniit sulereernerminni kaffisoriartorfigalugulu tamusseriartorfigisinnaasaannik. Iliuut kusanarluinnarpoq, Arctic Winter Gamesimi aaqqissuisut oqarput.
Atuaruk: Ilisimatusarnermut ataatsimiinnermi AWG peqataatitaqartoq
Assit marluk uuma allatap ataani takukkit