Champions League
Champions League-finalimi Real Madrid ajugaavoq
Champions League-finalimi, Milanomi ingerlanneqartumi, strafferluni isertitseriaqattaarnermi Christiano Ronaldo aalajangiisuusumik isertitsivoq
Arfininngormat unnukkut Champions League-finalimi Real Madridip illoqarfimmioqatertik Atlético Madrid ajugaaffigaa.
Champions League-finalimi, Milanomi ingerlanneqartumi, unamminerup sivitsorneqarnerata kingorna strafferlunilu isertitseriaqattaareernerup kingorna Real Madridip illoqarfimmioqatitik 6-4-mik ajugaaffigaat.
Christiano Ronaldo strafferluni isertitseriaqattaarnermi aalajangiisuusumik isertitsivoq, nalinginnaasumik unammineq 1-1-imik inerneqareersoq.
Ukiut marluk matuma siornatigut Real Madridip finalimi aamma Atlético Madrid ajugaaffigaa, taamani unammineq naangajalersoq Sergio RAmos 1-1-imut isertitsimmat. Taamanikkut aamma unammineq sivitsorneqarlunilu strafferluni isertitseriaqattaartoqarpoq, tassanilu Real Madrid 4-1-imik ajugaavoq.
Arfininngormat unnukkut Ramos isertitseqqippoq, Ral Madrid 1-0-mik siuartillugu, kingornalu Atléticop straffe atornerluppaa, unamminerullu naammassinissaanut minutsit 11-iinnanngortut 1-1-imut isertitsipput.
Tamatuma kingorna unammineq sivitsorneqarpoq, isertitsisoqanngimmallu strafferluni isertitseriaqattaarnermi Christiano Ronaldo kingullersaalluni isertitseriarami aalajangiisuusumik isertitsivoq, Real Madridilu europami klubbit unammiuaarneranni pingaarnerpaami pissartanngorpoq.
/ritzau/