Ukiuunerani OL
Doris J. Jensen Korea Kujallermukalertoq
Timersornermut Naalakkersuisoq Doris J. Jensen (S) Kalaallit Nunaata Korea Kujallermi OL-mut peqataanissaanut tapersersuiartussaaq, kalaallillu peqataatitaasa unammeqataanerat takunngitsoorsinnaavai.
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Kalaallit Nunaannit OL-imut peqataasunut marluusunut tapersersuinini takutinniarlugu PyeongChang-imut aallassaaq.
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik tusagassiuutinut nalunaarummi allappoq.
- Nuannaarutigaara Timersornermut tunngasunik Naalakkersuisutut Korea Kujallermi OL-eqarneranut qaaqquneqarnera. Ukiuunerani OL-ip ammarnersiorneqarnerani najuunnissannut aamma Laila Friis-Salling-imut Martin Møller-imullu tapersersuinissannut qilanaartorujussuuvunga, Doris J. Jensen (S) oqarpoq.
Kalaallit unammisartut unamminerinut peqataanngitsoorsinnaasoq
Doris J. Jensen (S) ulluni 9.-12. februaari 2018-imi PyeongChang-imiissaaq.
Taassuma naalakkersuisoqarfia naapertorlugu, Doris J. Jensen ammaanersiornermi nunat assigiinngitsulli naalakkersuisuisa ilasseqatigiinnissaannut, minnerunngitsumillu 2 x 15 km-imut sisoraatinik ujakkaarneq 2 x 15 km Martin Møller-ip unamminerani peqataanissaa pilersaarusiorneqarsimavoq.
Martin Møllerillu nuffasersimanini pissutigalugu unamminissami siulleq peqataaffiginngitsoorsinnaallugu sisamanngornermi
DR-imut nalunaaruteqarsimanera pissutigalugu, Doris J. Jensenip peqataaffiginngitsoorsinnaavaa. Laila Friis-Sallingilu freestyle halfpipe-mik sisorartup aatsaat februarip 19-ani unammisussaanera pissutigalugu Doris J. Jensenip aamma peqataaffiginngitsuussavaa.
OL-ip ammaanersiorneqarnera danskit nalunaaqutaat malillugu 11.55 DR1-ip aallakaatitsissavaa.