arsarluni EM
Frankrigip naalakkersuisuisa illoqarfinni EM-erfiusuni imigassaq inerteqqutaalersinniarpaat
Franskit indenrigsministeria EM-imut atatillugu isiginnaariat eqqissiviilliornerannut akiuilerpoq
Marseillemi ulluni kingullerni eqqissiviilliortoqarnerata kingorna, Franskit naalakkersuisuisa illoqarfinni EM-erfiusuni sumiiffinni immikkut ittuni imigassaq inerteqqutaalersinniarlugu piareerput.
Indenrigsministeri Bernard Cazeneuve sapaammi unnukkut nutaarsiassaqartitsivimmut AFP-mut taama oqarpoq.
- Ulluni unammiffiusuni, ulloq sioqqullugu, aammalu ulluni isiginnaarianut zonet ammatillugit, imigassamik tuniniaaneq, imerneq aamma assartuineq sumiiffinni malussarissunik inerteqqutaalersitsinissamik aalajangiisoqaqqullugu qinnuiginnippunga, ministeri oqarpoq.
Inerteqquteqalerneq arfininngornermi unnukkut Englandip Ruslandimut unamminerisa aallartinnginnerani kingornalu eqqissiviilliortoqarneranut qisuariaataavoq.
Tassani isiginnaariat Marseillep aqquserngini aporaakkamik, inuit 30-t sinneqartut ajoquserput.
Uefa Ruslandip arsartartunut kattuffianut pillaatissamik suliamik aallartitsivoq, taassumalu saniatigut Russit Tuluillu sioorasaarpaat, nunat taakku marluk illersuisui eqqissiviilliortitseqqippata EM-imit anisitaaratarsinnaanerarlugit.
/ritzau/