Futsal-ertartut sungiusaasuat nutaamik ikiortertaarpoq
Tekle Ghebrelul sungiusaasumut ikiortitut atuuffeqarunnaareersoq arsaattartut kattuffiat ikiortissamik nutaamik nassaarpoq
Annonse
Kaassannguaq Zeeb futsalimi nunanut allanut unammisartunut sungiusaasumut ikiortaalerpoq.
Tamanna KAK-mit tusagassiutinut nalunaarutigineqarpoq.
Tekle Ghebrelul ukioq kingulleq aggustimi sungiusaasumut ikiortitut atorfeqalerpoq, atuuffimminit nammineerluni piumasaqarnermigut atuuffeqaruunnaarnissani kissaatigisimallugu.
Nunanut allanut unammisartunut sungiusaasup René Olsenip Kaassannguaq Zeebip suleqatigilernissaa qilanaaraa:
- Misilittagaqarluartumik suleqateqarnissarput pingaaruteqarluinnarpoq. Kaassannguaq IT-79-imi sungiusaasuuvortaaq, suli unammisartuuvoq, nunanut allanut unammisartuunikuulluni. Misilittakkani maanna inuusuttunut ingerlateqqissinnaalerpai.