futsal
Futsalimik unammisartut måleqattaarnerup kingorna ajugaapput
Kalaallit Nunaata Danmarkillu futsalimik unammineranni katillugit qulingiluanik isertitsisoqarpoq
Sapaatiummat Kalaallit Nunaat Danmarkilu futsalimik aappassaa unammipput, taannalu Nuummi Inussivimmi ingerlanneqarpoq.
Arfininngormat unamminermi 2-2-mik angusaqareernerup kingorna kalaallit futsalimik nunanut allanut unammisartut sapaatiummat arsaalluareeqalutik 5-4-mik ajugaapput. Unamminermi kusanartumik sukkasuumillu tunioraateqattaartoqarpoq, hodillu marluullutik periarfissarpassuaqartarput. Timersortarfissuarmilu isiginnaartut nuannisartinneqarluinnarput.
Immikkoortup aappaani aalajangerneqarpoq
Kalaaleq unammisartoq Katu Madesen unamminermi unammilluarnerpaatut toqqarneqaqqippoq. Taanna unamminermi torrallavillugit marlunnik isertitsivoq.
Unammineq immikkoortup aappaani aalajangerneqareerpoq Kalaallit Nunaat 5-2-mik siuarmat. Danmark unamminerup minutsiini kingullernii marlunnik isertitsivoq.