Inatsisartut siulittaasuat aamma AWG isiginnaaqataavoq

Inatsisartut siulittaasuat Whitehorsemi kalaallinut politikkerinut akuuvoq

Inatsisartut siulittaasuat Josef Motzfeldt, nunatinnit politikkerit Whitehorsemi Arctic Winter Gamesinut isiginnaariat ilagaat. Assi: Elly Hauge Pedersen, Bureau for Inatsisartut Josef Motzfeldt, Whitehorsemi ammaanersiornermi aamma peqataavoq. Assi: Elly Hauge Pedersen, Bureau for Inatsisartut Siumup siulittaasua Aleqa Hammond, Inatsisartut siulittaasuat Josef Motzfeldt, Kommuneqarfik Sermersuumi borgmesterip tullia siulleq Per Berthelsen aamma IA'mit Jane Petersen. Assi: Elly Hauge Pedersen, Bureau for Inatsisartut Inatsisartut siulittaasuat Kalaallit Nunaanni Timersoqatigiit Kattuffiannit Arctic Winter Games. Saamerlermit GIF'ip siulittaasua Nuka Kleemann. Assi: Elly Hauge Pedersen, Inatsisartut Allattoqarfiat Assi: Elly Hauge Pedersen, Inatsisartut Allattoqarfiat Assi: Elly Hauge Pedersen, Inatsisartut Allattoqarfiat

Nukappiaaluk Hansen

marlunngo 06. mar 2012 21:57

Annonse

Whitehorsemi, Canadamiittumi, Arctic Winter Gamesertuni Inatsisartut siulittaasuat Josef Motzfeldt nunatsinnit politikkerit najuuttut ilagaat.

Naatsorsuutigineqarpoq timersuutit assigiinngitsut isiginnaariarfigissagai soorlu Inuit games, Kalaallit Nunaata Alaskallu arsarneri aamma Nunatta Albertallu vollyball'imik unamminerat, kiisalu naatsorsuutigineqarpoq Josef Motzfeldt unammiuaarnerit nalaanni pisortatigoortumik naapeqatigiittuni peqataasassasoq.

- Nuannaajallaannartorujussuuvoq tusarlugu aaqqissuussami AWG'tut angitigisumi namminneq kajumissutsiminik peqataasut amerlalluinnartuusut. Whotehorsemi illoqarfimmi AWG'mik aaqqissuussiffiusumi nammineq kajumisissusiminnik ikiuuttut 2000-upput, taakkualu ikiuuttorinagit unammersuarneq ingerlanneqarsinnaanngilaq.

- Taakkua saniatigut suliffeqarfiit aningaasatigut suliassatigulluunniit tapeerusussuseqarnerat ersarilluarpoq, Josef Motzfeldt oqarpoq.

- Kalaallit Nunaanni Timersoqatigiit Kattuffiata taassumalu akeqanngitsumik ikiortai angalanissamut soqutiginnilluarput ilaat angalaqataapput, taakkoqanngikkaluarpat aamma Kalaallit Nunaannit angalanissamut aaqqissuussineq unamminissanullu piareersarnerit piviusunngortinneqarsinnaasimassanngikkaluarput.

Inatsisartut siulittaasuat Kalaallit Nunaanni Timersoqatigiit Kattuffianit Arctic Winter Gamesinut qaaqqusaavoq.

Josef Motzfeldt ilaatigut unammiuaarnerit Whitehorsemi ammaanersiornerantu kiisalu AWG Nuuk 2016, aaqqissuussisussaanermik atsiornermi psiortatigoortumik peqataatinneqarpoq.